Fahamu matukio matano mabaya zaidi viwanjani yaliyoua mamia ya watu

 

CHANZO CHA PICHA,GETTY IMAGES

Raia wa Indonesia wanataka majibu ya moja ya maafa mabaya zaidi katika historia ya mchezo huo duniani, baada ya mashabiki 125 kupoteza maisha uwanjani. Zipo taarifa zingine ambazo hazijathibitishwa zikionyesha idadi ya vifo ni zaidi ya 170.

Jumamosi usiku, maelfu ya mashabiki waliingia katika uwanja wa Kanjuruhan huko Malang, Java Mashariki, kushuhudia mechi ya kandanda kati ya vilabu viwili hasimu, lakini mechi ikageuka msiba, ikawa majonzi.

Mashabiki waliokuwa uwanja wa nyumbani walivamia uwanja baada ya timu yao kufungwa 3-2 dhidi ya Persebaya Surabaya. Polisi walijaribu kuwazuia kwa kurusha mabomu ya machozi, kukawa na kimbiakimbia, kukanyagana na hatimaye wengine kupoteza maisha wakiwemo watoto kadhaa, mmoja akiwa na umri wa miaka mitatu, mamlaka inasema.

Baadhi ya mashabiki walifia mikononi mwa wachezaji waliokuwa wamefika kuwashangilia, kocha wa timu ya nyumbani Arema FC alifichua.

Tukio la Indonesia sasa linashika nafasi ya pili duniani kwa matukio ya vifo yaliyoua watu wengi uwanjani. Kuanzia tukio la mashabiki wa Liverpool mpaka wale wa Ghana, yapo mengi, lakini haya matano yalitikisa dunia.

5: Mwaka 1996: Mashabiki 84 wafa mbele ya rais GUATEMALA

Mashabiki 84, walipoteza maisha baada ya kuibuka kwa ghasia na kusababisha mkanyagano kwenye uwanja wa taifa wa Mateo Flores, Guatemala katika mchezo wa kufuzu kombe la dunia la mwaka 1998 kati ya Guatemala na Costa Rica.

Rais wa Guatemala wakati huo, Alvaro Arzu Irigoyen, alikuwepo uwanjani na kuagiza kuvunjwa kwa mchezo huo, usiendelee, na akatangaza maombolezo ya siku 3.

''Ilikuwa mbaya -- mbaya sana,'' alisema Marlon Ivan Leon, mlinzi wa timu ya taifa ya Guatemalan wakati huo, aliyeshuhudia maiti za mashabiki hao. Watu 147 walijeruhiwa.

4: Mwaka 1988: 93 wafa wakikimbia kimbunga uwanjani, Nepal

Maelfu ya mashabiki walikuwa katika uwanja wa taifa wa Nepal wakiangalia timu yao ya taifa ikimenyana na Bangladeshi. Inaelezwa kulikuwa na zaidi ya mashabiki 30,000 uwanjani wakati kimbunga kilipotokea kilichokwenda sabamba na mvua, radi na upepo mkali.

Katika kujiokoa na kimbunga, kilichosababisha mechi kusimama, mashabiki hao walikimbilia kwenye mageti ya kutokea ili kutoka, kwa bahati mbaya ni geti moja tu lililokuwa wazi.

Kwenye kugombea kutoka kupitia geti hilo, walikanyagana, kudondoshana na wengine kukosa pumzi ambapo mashabiki 93 walifariki dunia na mamia wengine kukimbizwa hospitalini.

3: Mwaka 1989: Vifo vya mashabiki 96 wa Liver -Hillsborough

Hili ni tukio baya zaidi katika historia ya matukio ya uwanjani yaliyosababisha vifo nchini England, ilikuwa mwaka 1989,katika uwanja wa Hillsborough, Sheffield.

Tukio hili lilisababisha vifo vya mashabiki 96 wa Liverpool wengine wakitaja 97, waliokwenda kuhudhuria mchezo wa nusu fainali ya kombe la FA Cup dhidi ya Nottingham Forest.

Kwa mashabiki wa Liverpool ni tukio lisilosahaulika na kwa zaidi ya miaka 30, waliendesha kampeni ya kujua mambo mawili tu, ilikuwaje na kwa nini mashabiki wa timu hiyo walifikwa na umauti.

2: Mwaka 2001: Mashabiki wachukizwa na kipigo, 126 wafa, Ghana

CHANZO CHA PICHA,GHANA N

Vifo 126 katika uwanja wa michezo wa Accra, Ghana mwaka 2001, ndio tukio baya zaidi la vifo uwanjani katika bara la Afrika. Tukio lilitokea mwishoni mwa mechi kati ya Hearts of Oaks na Kumasi, ambapo mashabiki wa Kumasi walipopatwa na hasira kufuatia timu yao kufungwa, na kuanza kuvunja viti, kuvirusha na kurusha vitu vingine kama chupa.

Polisi walilazimika kurusha mabomu ya machozi na hapo ndipo mwanzo wa kukanyagana na kusababisha vifo hivyo.

1: Mwaka 1964: Peru - vifo vya mashabiki 320

CHANZO CHA PICHA,DAILYSTAR

Hili linatajwa kuwa tukio baya zaidi kuwahi kutokea uwanjani na kusababisha vifo vya watu 320 na wengine zaidi ya 1,000 kujeruhiwa.

Lilitokea Mai 24, 1964, katika uwanja wa taifa katika mji mkuu wa Peru, Lima - ingawa vitu vingi kuhusu tukio hilo havikuwekwa wazi sana, idadi ya vifo ilitikisa dunia.

Ikiikaribisha Argentina, Peru ilikuwa nafasi ya pili kwenye kundi lake kutoka Amerika Kusini kwa ajili ya kufuzu michuano ya Olimpiki.

Walikuwa na imani zote. Wakati wakiisubiri Brazil katika mchezo wa mwisho, Peru ilikuwa inata sare tu dhidi ya Argentina ifuzu. Argentina ilitangulia kupata bao katika uwanja uliokuwa na mashabiki zaidi ya 53,000, zaidi ya 5% ya wakazi wote wa Lima wakati huo.

Lakini utata wa bao la kusawazisha, kukataliwa baada ya mpira wa kurushwa kuzuiwa na Kilo Lobaton na kuzama langoni , mashabiki wa Peru 

Mwandishi wa habari Erick Kabendera anyimwa ruhusa ya kumzika mama yake

LIOS MEDIA ,
Dar es salaam Tanzania
03/01/2020

Mahakama ya Hakimu Mkazi Kisutu jijini Dar es Salaam imemnyima mwandishi wa habari Erick Kabendera aliye rumande ruhusa ya kwenda kumuaga au kumzika mama yake.

Mama yake Kabendera, Bi Verdiana Mujwahuzi, alifariki dunia siku ya Jumanne tarehe 31 Desemba 2019 katika hospitali ya Amana jijini Dar es Salaam.

Akitoa uamuzi wa mahakama hiyo, Hakimu Mkazi Mkuu, Janeth Mtega alisema mahakama hiyo haina mamlaka ya kutoa amri ya Kabendera kusindikizwa chini ya ulinzi kwenda kutoa heshima za mwisho kwa marehemu mama yake mzazi.

Uamuzi huo ulikuja katika awamu ya pili ya usikilizwaji wa kesi hiyo baada ya upande wa mashitaka na utetezi, kubishana kwa hoja kwa saa kadhaa na baadae hakimu kuahirisha usikilizaji hadi baadae ambapo hakimu alikuwa tayari kutoa uamuzi wa mahakama.

• Mama wa mwandishi wa habari Erick Kabendera afariki dunia
• Mama Mzazi wa Mwandishi Erick Kabendera amwangukia Rais Magufuli

Awali, upande wa utetezi ulitoa hoja kadhaa za kwanini mahakama itoe amri kwa Kabendera kuruhusiwa kwenda kumuaga ama kumzika marehemu Mama yake mzazi.

Mmoja wa mawakili wa Kabendera Jebra Kambole aliiambia mahakama kuwa, suala la mtu kuhudhuria sala ya mwisho ya msiba ni haki ya msingi ya binadamu, ni haki ya faragha ya kuwa na familia kama ilivyoainishwa katika Ibara ya 16 katiba ya Jamhuri ya Muungano wa Tanzania ya Mwaka 1977.

Lakini aliongeza pia kwamba haki hiyo inaambatana na kutimiza dhana kwamba mtuhumiwa hana hatia hadi pale itakapothibitishwa na mahakama kama ilivyoelezwa na katiba pia.

"Kwa kumzuia kuhudhuria heshima ya mwisho ya mama yake tutakuwa tunamuadhibu na adhabu hiyo itakuwa ni kubwa sana na ya kinyama kushindwa kuhudhuria maziko ya mama yake" aliongeza wakili Kambole.

Wakili Kambole aliongeza kwamba wakati mahakama inafanya maamuzi juu ya ruhusa hiyo ni muhimu yazingatie uhusiano uliokuwepo kati ya marehemu na mfiwa, mama na mtoto.

Aliikumbusha mahakama kwamba Kabendera ndiye ambaye alikuwa akimuuguza mama yake kabla ya kukamatwa kwake na kwamba ni vyema basi akaruhusiwa angalau kwenda kutoa heshima za mwisho kwa marehemu mama yake.

Hata hivyo upande wa mashtaka ulisimama na kupinga hoja hizo na kudai kwamba mahakama hiyo ya hakimu mkazi haina mamlaka ya kisheriaya kutoa amri ya kupelekwa Kabendera kwenda kumuaga mama yake.

"Maombi yameletwa si kwa wakati sahihi kwamba mahakama haina mamlaka Hata kama sisi tunasikitika kwamba ni msiba mkubwa lakini taratibu za kisheria ni muhimu kuzingatiwa" alisema Wakili wa Serikali Mwandamizi, Wankyo Simon.

Wakili Simon alidai kwamba hii si mara ya kwanza kwa mahabusu kufiwa, lakini pia hoja za upande wa utetezi hazina nguvu ya kisheria.

Kufuatia uamuzi huo wa mahakama, upande wa utetezi umesema hata kama wanakubaliana na dhana ya mahakama ya hakimu mkazi kutokuwa na mamlaka ya kisheria katika kesi ya kiuchumi kama hii, haukubaliani na uamuzi wa mahakama kumnyima Kabendera fursa ya kumuaga Mama yake kwa mara ya mwisho

Kuhusu mchakato wa 'plea bargain', upande wa mashtaka ulisema upande wa utetezi umekamilisha marekebisho katika maombi yao waliyotakiwa kufanya, hivyo mchakato huo unaendelea

Kesi ya Kabendera imeahirishwa zaidi ya mara kumi, na leo pia imeahirishwa na kupangiwa kusikilizwa tena tarehe 13 January 2020.

Utamaduni wa sherehe za kumtoa mwari una maana gani Tanzania?

Haki miliki ya pichaGETTY IMAGES

Katika baadhi ya mikoa kusini na Pwani ya Tanzania, suala la binti kupatiwa mafunzo maalumu ya kimila ni desturi ambayo si ngeni, wao wanaita kumtoa mwari.

Utamaduni huo ujumuisha wasichana kuwekwa ndani kwa muda wa miezi kadhaa kwa ajili ya ya kufundwa na wataalamu wa masuala hayo.

Jambo hili kwa binti ambaye hajalipitia huenda likawa na gharama kubwa katika maisha yake ya ndoa ya baadaye kwani huonekana kama vile hajui mambo mengi na zaidi yale ya kumridhisha mume wake kwa mjibu wa mila zao.

Miongoni mwa jamii inayotajwa kuendeleza mila hizi hata katika kipindi hiki cha mabadiliko ya sayansi na teknolojia ni Wamakonde kutoka mikoa ya Kusini mwa Tanzania na baadhi ya wakazi wa wilaya za mkoa wa Pwani nje kidogo ya jiji la kibiashara la Dar es Salaam.

Aidha utamaduni huu umekuwa ukilaumiwa na baadhi ya watu kuwa ndio chanzo cha kusitisha wasichana wengi masomo wakiwa na umri mdogo,

Mara nyingi sherehe hizi pia huwa zinafanyika mara tu wasichana wanapomaliza darasa la saba(elimu ya shule ya msingi) au wengine hata kabla hawajamaliza elimu hiyo.

Haki miliki ya pichaGETTY IMAGES

Wazaramo ni kabila maarufu nchini Tanzania ambalo linasifika zaidi kwa ngoma.

Kuna msemo wa utani nchini humo unaowahusisha wanawake wa kabila hilo kupenda kucheza ngoma.

Lakini je, sifa hiyo wameipata kutokana na mafunzo waliyopitia?

Utaratibu wa shughuli hii ukoje na una maana gani katika jamii yao.

Mwandishi wa BBC Fatma Abdala aliweza kutembelea eneo la kisarawe mkoa wa Pwani na kutaka kufahamu zaidi juu ya utamaduni huu.

''Kwa sisi Wazaramo suala hili ni muhimu sana,na kabila letu ni moja ya makabila yanayopenda kuhakikisha kwamba wasichana wanashiriki shughuli zote na kisha kutolewa Mwali baada ya kukamilisha taratibu zote,na kwa wazaramo maandalizi ya sherehe hizo ni makubwa'' Bi Amina .

Ameongeza kuwa kuna mambo muhimu ambayo wasichana hawa hufundishwa na kungwi suala zima la mahusiano ya kawaida na watu wengine,mapenzi na ndoa kwa ujumla. mwanume kabla ya ndoa .

Mtaalamu mwingine wa shughuli hizo anabainisha kuwa mpaka mtoto anapotolewa na kuchezewa ngoma kama mali huenda akawa amekaa ndani kwa miezi kadhaa au mpaka mwaka mzima.

"Sherehe hii ni kubwa kwetu, huwa tunachanga fedha kwa ajili ya kuja katika sherehe hizo za kumcheza mwari na hata tunavaa sare", Bi.Halima anaeleza.

• Utamaduni ambao bibiharusi huoga kwa maziwa
• Kijiji chenye watu wenye ''sura mbaya'' zaidi duniani

Licha ya kuwacheza wanawake, kabila hili nalo linawacheza wanaume yaani wanapeleka jando...ili waweze kupata mafunzo wakati wa kubalehe.

Kwa mujibu wa bi. Saada ambaye pia ni mkazi wa eneo hilo ansema wanacheza mwali binti kuanzia umri wa miaka kumi, binti huyu huelekezwa unyumba namna ya kukaa na mume wake, nguo za kuvaa akiwa na mumewe, chakula cha kupika na kadhalika.

Pamoja na kuwa tamaduni hii imekuwa ikiendelee kwa miaka mingine, athari zake zimetajwa kuwa kubwa katika upande wa kuongeza idadi ya mimba za utotoni na hata kushusha maendeleo katika jamii hizo.

Hii ni kutokana na sherehe hizo pia kumuacha wazi mwali hadharani katika mavazi na hataka kuwa ishara ya kutangaza kuwa amekuwa na yuko tayari kwa wanaume.

Kwa upande wake Bi. Saum anasema kuwa hali hiyo inatokea kwa sababu wasichana wengi wanafanya tofauti na wanavyoelekezwa na hivyo kupelekea mabinti wadogo kubeba ujauzito na kubatili maana iliyolengwa.

Baadhi ya wakazi wa eneo hilo wanasema kuwa utamaduni ni heshima kwa mwanamke.

"Kuchezwa kuna raha yake lakini mwali wa kizaramo asipochezwa huchukuliwa kama hajakua mkubwa na hupelekea muda mwingine kukosa mume na hata kubaguliwa na wasichana wenzake waliopitia unyago," bi Halima anasisitiza.

Lios Media

Kizza Besigye azuiliwa na polisi Uganda

Mgombea urais wa chama cha upinzani cha FDC nchini Uganda Kizza Besigye amekamatwa na kuzuiliwa kwa muda na maafisa wa polisi mjini Kampala.

Gari lake lilikuwa likipitia barabara ya Jinja, mjini Kampala, msafara wake ukisindikizwa na mamia ya wafuasi, pale polisi walipotumia mabomu ya machozi kuwatawanya wafuasi hao na wakamkamata mwanasiasa huyo.
Alizuiliwa kwa muda katika kituo cha polisi cha Kira Road lakini akaachiliwa huru bila kufunguliwa mashtaka.
Polisi wanasema alikamatwa kwa sababu ya kutatiza uchukuzi mjini.
Bw Besigye alipangiwa kufanya mikutano ya kampeni katika mji huo mkuu.

• Wasifu wa Kizza Besigye
• Museveni: Nina imani nitashinda uchaguzi

Mkuu wa Polisi Jenerali Uganda Kalekezi Kayihura amethibitisha kwamba polisi walikabiliana na wafuasi wa upinzani lakini akakanusha habari kwamba Bw Besigye amekamatwa.

Msemaji wa polisi Fred Enanga amesema Bw Besigye alikaidi agizo la polisi la kutoingia katikati mwa mji na ndio maana akakamatwa.
“Besigye yuko huru kufanya kampeni mjini Kampala lakini sharti atii maagizo ya Tume ya Uchaguzi na Polisi ambayo yanaharamisha siasa katikati mwa jiji,” ameambia wanahabari.
Amesema alizuiwa kwa muda kutumia barabara ya Nasser na kwamba polisi walimzuilia wakihofia usalama wake baada ya kushindwa kudhibiti umati.
Hali ya wasiwasi ilitanda katika maeneo ya Kampala huku polisi wakitumia mabomu ya machozi kuwatawanya watu. Watu kadha walikamatwa.
Baada ya kuachiliwa, kiongozi huyo wa upinzani aliruhusiwa kuendelea na kampeni zake hadi chuo kikuu cha Makerere huku polisi wakiendelea kushika doria.
Bw Besigye, alikuwa wakati mmoja daktari wa kibinafsi wa Bw Museveni, amekamatwa na kuzuiliwa mara nyingi lakini Jumatatu ilikuwa mara ya kwanza kukamatwa wakati wa kampeni za uchaguzi wa mwaka huu.
Uchaguzi huo utafanyika Alhamisi.
Bw Besigye amewania urais mara tatu dhidi ya Bw Museveni bila mafanikio.

Yaliyojiri Leo Kwenye Semina Elekezi Ya Makatibu Wakuu Ikulu Dar Es Salaam

Saturday, January 2, 2016

Yaliyojiri Leo Kwenye Semina Elekezi Ya Makatibu Wakuu Ikulu Dar Es Salaam

Mwigulu Nchemba Atumbua Mtu JIPU Machinjio ya Pugu.......Ni Baada ya Kufanya Ziara Jana Usiku na Kurudi Tena Leo Asubuhi

Mwigulu Nchemba Atumbua Mtu JIPU Machinjio ya Pugu.......Ni Baada ya Kufanya Ziara Jana Usiku na Kurudi Tena Leo Asubuhi

 

 

 

Waziri wa Kilimo, Mifugo na Uvuvi Mh. Mwigulu Lameck Nchemba, amemfukuza kazi mkuu wa mnada wa mifugo wa Pugu, na watumishi walioshiriki kuiba ushuru wa serikali, alipoenda machinjioni hapo kukagua....

Read more »