Tetesi za Soka Ulaya Jumanne 17.12.2019: Arteta, Ancelotti, Young, Dembele, Ibrahimovic

Manchester City wamekerwa na mchakato wa Arsenal kumfuatilia kocha wao msaidizi Mikel Arteta na wameionya Arsenal kuwa itawapasa watoe donge nono ili wamnyakue kocha huyo. (Mirror)

Arteta anatarajiwa kukutana na kiongozi mkuu wa Arsenal Josh Kroenke Jumatatu usiku kwa ajili ya kufanya usaili wa tatu na wa mwisho huku akikaribia kuchukua nafasi iliyoachwa wazi na Unai Emery aliyetimuliwa mwezi uliopita. (Mail)

Kocha wa zamani wa Chelsea, AC Milan, Real Madrid na Napoli Carlo Ancelotti amefikia makubaliano ya jumla kuwa kocha wa klabu ya Everton. (Sky Sports)

Chelsea wamewajumuisha washambuliaji Mjerumani Timo Werner wa klabu ya RB Leipzig, 23, na Mfaransa wa klabu ya Lyon Moussa Dembele, 23, katika orodha ya wachezaji wanaotaka kuwasajili mwezi Januari. (Mail)

• Man City kuvaana na Real Madrid mtoano Champions League

Mmiliki wa Napoli Aurelio De Laurentiis ametupilia mbali mipango ya kumsajili mshambuliaji wa zamani wa Manchester United na timu ya taifa ya Sweden Zlatan Ibrahimovic, 38, akisema kuwa klabu yake inabidi ianze kujinga upya kutokea chini. (Goal.com)

Klabu ya Leicester inatajwa kuwa na utashi wa kiwango cha juu kumsajili beki wa klabu ya Juventus na Uturuki mwenye thamani ya pauni milioni 25 Merih Demiral,21, kwenye dirisha dogo la usajili mwezi ujao. (Leicester Mercury)

Mlinzi raia wa England Ashley Young, 34, anatarajia kuihama klabu ya Manchester United mwishoni mwa msimu na yupo tayari kuanza mazungumzo na vilabu mbalimbali kuanzia mwezi ujao. (ESPN)

Wachezaji waandamizi wa Tottenham wamemshauri kocha wao Jose Mourinho kumsajili mshambuliaji wa Wolves Adama Traore, 23, baada ya mchezaji huyo raia wa Uhispania kuonesha kiwango kizuri dhidi yao Jumapili iliyopita (Football Insider)

• Tetesi za soka Ulaya Jumatatu tarehe 16.12.2019

Winga wa Ujerumani Leroy Sane, 23, ameeleza kuwa hatimaye amereje kwenye uwanja wa mpira wakatiakikaribia kurejea kwenye kikosi cha Manchester City. Sane hajacheza toka mwezi Agosti alipopata majeraha makubwa. (Manchester Evening News)

Kocha Unai Emery amekataa ofa ya kuifundisha Everton akiamini bado ni mapema kufundisha klabu nyengine ya Ligi ya Primia baada ya kufurushwa na Arsenal mwezi uliopita. (Marca)

Vilabu vya Leicester City, Newcastle, Southampton na Leeds United vinagombea saini ya mshambuliaji raia wa England Jarrod Bowen, 22, anayechezea klabu ya Hull City. (Mirror, via Leicester Mercury)

Liverpool wameonesha nia ya kutaka kumsajili beki wa kushoto wa klabu ya Coventry City raia wa England Sam McCallum, 19. (90min.com)

Posted by

Lios media