EXLUSIVE INTERVIEW: UNATAKA KUJUA KWANINI SAMATTA ANAKWEDA KUCHEZA UBELGIJI, AMESAINI MKATA WA MUDA GANI? MENEJA WAKE AMEFUNGUKA KILA KITU, MADINI YOTE YAPO HAPA

Safari ya  nyota wa Tanzania na TP Mazembe Mbwana Samatta kwenda kukipiga katika bara la Ulaya sasa imefika patamu baada ya manager wa mchezaji huyo Jamal Kisongo kuthibisha kwamba kila kitu kimeshakamilika na kinachosubiliwa ni mchezaji huyo kujiunga na kbabu ya Genk ya nchini Ubelgiji inayoshiriki ligi kuu ya nchini humo maarufu kama Belgian Pro League.

Taarifa za Samatta kujiunga na klabu ya Genk zinasambaa kwa kasi sana na hicho ndiyo kitu ambacho kimefanya mtandao huu umtafute manager wa mchezaji huyo ili aweke wazi baadhi ya mambo ambayo wadau wa soka la Tanzania wamekuwa wakijiuliza kwa muda mrefu juu ya Samatta kwenda kucheza soka la kulipwa barani Ulaya.

Hapa unaweza kupata majibu ya maswali yote kutoka kwa manager wa Samatta Bw. Jamal Kisongo baada ya kufafanua vitu kwa kina ikiwa ni pamoja na kwanini Samatta anakwenda Ubelgiji na si nchi nyingine za Ulaya sambamba na klabu ambayo atakwenda kuitumikia lakini pia ameweka wazi Samatta amesaini mkataba wa muda gani na Genk.

Ni kweli kwanza kipindi chake cha kikanuni kwa mujibu wa FIFA kwa yeye kuwa na haki ya kusaini kuchagua wapi anataka kwenda na kufanya maamuzi kimefika, kwasababu Mbwana mkataba wake unamalizika April 30, 2016 kwa maana hiyo kwa mujibu wa kanuni ya FIFA, mkataba ukibaki miezi sita na chini ya hapo una haki ya kusaini pre contract na hicho ni kitu cha msingi kabisa.